أهداء خاص لأحد اعضاء المنتدى

ارجو ا أن تنال أعجابكم

ــــــــــــــــــــــــــــــــــــــــ
( روحــــــــــــي )

فديتك ياهوى نفسي مع الشدات خاويني

فديتك لا قسا وقتي علي وناحت أشجاني

أبيك في لحظة الفزعة تحط يديك بيديني

وأبيك ليا شكيت اليأس تكون بساحة أوطاني

أبيك البلسم لجرحي و أبيك النوم في عيني

طلبتك يا بعد ذاتي أماااااانه لا تخليني

تراني لو رحت أبقى ضحية كيد عدواني

سألتك بالله الواااالي سألتك لا تجافيني

لأني اروووووح بغيابك ياغلاي وكل خلاني

معي واصل مشاويرك أواسيك وتواسيني

معي أبقى مثل ظلي حذااااري لا تعاديني

أبي منك وعد إنك على غيري تبديني

وأنا هذا وعد مني ما أبيعك وأشري الثاني

وإذا بلسانك الصادق نطقت وقلت تغليني

أنا أبعلن خبر عاااااجل تعالوا أقروا إعلاني

أبكتب داخل الإعلان إلى من صار يغليني

إلى قلبي إلى عمري إلى من صار يهواني

إليك أهدي نغم شعري وكل عرق نبض فيني

وإليك أهدي شذى عطري وياسميني وريحاني

وبكتب داخل إعلاني وصية كان شاريني

معي بالطيب عاملني ولا تجرح بهجراني

مهما تقسى الدنــــيــا علينا لا تعاديني

ولا تسعى أبد في يوم في عنادي وعصياني

أبيك دكتور لآلامي من أحزاني تداويني

وأبي لا كفت أبصاري تكون النور لأعياني

وأبي لافاضت أنفاسي تكون أول معزيني

وأبيك بيديك الثنتين تلف الجسم بأكفاني

وبعد ما أكون في قبري تذكرني وتبكيني

وأكون حزن على بالك ما تغفل وتنساني

أبي لاقا لوا العذال وش اللي بينك وبيني ؟

تبسم وتدمع عيونك من الحسرة وفقداني

وتجاوبهم أني حي وبالأضلاع تخفيني

وإني سلوه الخاطر معك لاصرت وحداني

أبيك تقول هو مامات أحاكيه ويحاكيني

أبيك تقول هو موجود وخبيته بوجداني

أبيك تقول هو دمي اللي في شراييني

لأنك دمي اللي كان يضخه عرق شرياني

وأبي لازادت جراحك تخليني وتناديني

وتفتش داخل شعورك وتهمسلي وتلقاني

وإذا طال السفر أقرا كتاباتي ودواويني

وقل يا كثر ما خلي كتب لي شعر وأهداني

ترى لو للقصيد عيوووون والله ما تقديني

لأني للقصيد عيون وأسمك رمز ديواني

تداركت الزمن يمك إلا يا ليت يمديني

أخاف أجيك متأخر وسيف الوقت ياطاني

نسيت من أجلك الصادق اللي الروح يعطيني

ونسيت الأول والآخر والقاصي مع الداني

وجاري المسح للباقي وأنت إلي تكفيني

حرام أحط معاك غيرك وأحبك وأظلم الثاني

كفاية أنت في دنياي أمل باقي يسليني

أمل صوته إذا ضاع الأمل ألقاه بأركاني

كفاية همسك الحاني إذا جاني يدفيني

ويبدد وحشة ظروفي وتشرق فرحة أكواني

تراك بعالمي شمعة تبدد ظلمة سنيني

وتراك بدنيتي دنيا لها لون وشكل ثاني

*******************

عدد المساهمات : 33 تاريخ التسجيل : 07/10/2009

لقيت روحي يعطيك العافيه انت قلت واحد في المنتدي يمكن اكون انا ويمكن لا بس ابي اعلق لانها ابيات حلوه وياليت بعد تكون لي ههههههههه

ممكن يكون انت ليله لا ع العموم مشكور ع الرد ولاتحرمنا طلتك البهيه تقبل مروري