فنجان قهوه ....

عدد المساهمات : 21 تاريخ التسجيل : 11/06/2010

الحياة مثل فنجان القهوة..
بأمكاننا نخلي سكرها زيادة , وسط , مر !

..
اغلبنا مانقدر نشربها وهي مره !
لكن عشان نشربها نضيف لها السكر .,
عشان نستمتع بشربها وعشان تكون لها نكهة وطعم خاص فنجان قهوه .... 004

.!

بالضبط نفس الشئ حياتنا
لو تأملنا فيها
كل انسان عنده هموم , لحظات تعيسه . اشياء بداخله مو معجبته !
لكن بقدرته هو وبستطاعته يقدر يخليها أفضل كوب قهوة عشـان يستمتع فيها
وهو يشربها وتكون لها النكهه الخاصه ..

يتغلب على اللحظات الصعبه
نقطة الفشل يخليها نقطة بدايه له
ومجرد تمهيد للجاي
مؤمن أن ربي كاتب له الخيرة

..
تخيل معي لو لحظة !
انك انت كوب القهوة لونها اسود او بني ومرة جداً !
ابحث عن السكر اللي يحليها بكل مكان واضفها لقهوتك !
ممكن يكون أهلك , أحبابك, أحلامك وطموحاتك , مستقبلك
لاتخلي شئ ابداً يوقف امامك مهما كان
أبحث وأبحث عن اي شئ يحليها لك
كل شئ ممكن مافي شئ مستحيل , خلي أيمانك بالله قوي .وابدأ بالبحث حتى توصل
ويكون عندك أفضل كوب قهوة
والكل يتمنى يشرب منها ويتذوقها

اذن قهوتك انت اللي تضبط حلاها بشكل اللي يعجبك وتخليها مناسبه لك
عشان ترتشف منها وانت مستمتع للأخر
انت انسان حر وكل انواع السكر امامك اختر اللي تبي واترك اللي ماتبيه واللي ممكن
يخرب لك طعمها !

.,

تحضير فنجان القهوة ممكن يشوفه البعض صعب !
او مايضبطها ! لكن هي بالواقع أسهل من هذا كله ومرة مرتين وبالمحاولة
تصير تعرف وتتفنن في تحضيرها وأتقانها صار شئ جداً سهل بالنسبة لك
مثل الحياة للأسف هي أبسط من أننا نتصور لكن
كلنا معقدينها
لو فكرنا بالمواجهة والمحاولات العديدة
راح ننجح ونتغلب على اللي فيهـا وتكون سهلة بأذن الله ..

يـارب الكل يعيش بسعادة
وحياتنا ماتشوف غير الجانب المضئ دائماً
يارب ..

\\
موضوع بسيط وممكن يكون متكرر كثير عليكم ..
لكن بجد نحتاج بعض التفاؤل والتذكير بحياتنا بين كل فترة والثانيه

عدد المساهمات : 58 تاريخ التسجيل : 21/06/2009

الله يعطيك العافية على الموضوع الرائع والجميل

يعطيك العافية والله لايحرمنا من مواضيعك الجميلة احسنت القول اخوي فواز

عدد المساهمات : 4 تاريخ التسجيل : 23/06/2009

الاخ فواز الله يعطيك العافية موضوع جيد واتمنا لك التوفيق والسلام عليكم /// انـــــــــــــــــــاوالشوووووووووووووق